အမေးများသော 18K ရွှေအကြောင်း

ရွှေမိတ်‌ဆွေ ရွှေလက်တွဲဖော် Customers များအား ဦးထုံရွှေပန်းထိမ်နှင့် ရတနာရွှေဆိုင်မှ လူကြီးလူငယ်တွေကြား၊ အသက်အရွယ်မရွေး သဘောကျနှစ်သက်မှု တဟုန်ထိုး မြင့်တက်လာခဲ့တဲ့ 18K ရွှေအကြောင်း ဒီအပတ်မှာ တင်ဆက်ပေးသွားမှာပဲဖြစ်ပါတယ်ခင်ဗျာ…

ရွှေနှင့်ပတ်သက်လာလျှင် အထူးသဖြင့် မတူညီသော ကာရက် ( Karat )များ၊ တစ်ခုချင်းစီ၏ အချက်အလက်များနှင့် ကွဲလွဲနေသော ထင်မြင်ယူဆချက်များ ယနေ့တိုင်အထိ အမျိုးမျိုးရှိနေပါတယ်။ ဒါကြောင့်မို့လို့ပဲ ဒီနေ့မှာတော့ ရွှေတွေရဲ့ အမျိုးအစားပေါ်မူတည်ပြီး ဘယ်လိုရွေးချယ်ရမလဲဆိုတာကို ဦးထုံရွှေပန်းထိမ်နှင့် ရတနာရွှေဆိုင် မိသားစုမှ ဝယ်ယူသူတစ်ဦးချင်းစီကို မေတ္တာထုံမွှန်းပြီး တင်ပြပေးလိုက်ပါရတယ်ခင်ဗျာ။

အထူးသဖြင့် 18k ရွှေသည် ကမ္ဘာတစ်ဝှမ်းရှိ လက်ဝတ်ရတနာများအတွက် အထူး ဆန်းပြားပြီး ခမ်းနားထည်ဝါသော ရတနာပစ္စည်းတစ်ခုအဖြစ် မှတ်ယူထားကြသည်။ယခုအခါမှတော့ 18K ရွှေ၏ ရိုးရှင်းသောပုံစံများ၊ အသုံးပြုမှုများ၊ တန်ဖိုးများနှင့် အကျိုးကျေးဇူးများကို တင်ဆက်ပေးပါမည်။

“ကာရက် ( Karat )” ဟူသော စကားလုံးသည် ရွှေ၏ သန့်ရှင်းစင်ကြယ်ခြင်း သို့မဟုတ် ‘အနုစိတ်ခြင်း’ တို့ကို တိုင်းတာဖော်ပြရန်အတွက် အသုံးပြုသည့် ဝေါဟာရပင်ဖြစ်သည်။ အသန့်စင်ဆုံး တိုင်းတာမှုမှာ တည်ရှိနေသောရွှေမှာ 24K ရွှေဖြစ်သည်။ကာရက် ( Karat ) အဆင့် မြင့်လေ၊ အခြားသတ္တုစပ်များကို ရွှေနှင့် ပေါင်းစပ်မှု နည်းပါးလေဖြစ်သည်။ ထိုသတ္တုစပ်များသည် အများအားဖြင့် ဇင့် ( Zinc )၊ ကြေးနီ ( Copper )၊ ငွေ ( Sliver )နှင့် နီကယ် ( Nickel )တို့ပင်ဖြစ်သည်။ ထို့ကြောင့် ရွှေ ၁၈ ကာရက် ( 18K ) အပိုင်းအစတွင် ရွှေ ( Gold ) ၁၈ ပိုင်းနှင့် အလွိုင်း ( Alloy ) ၆ ပိုင်း ပါဝင်သည်။

၁၈ ကာရက် ( 18K ) ရွှေ၏ ပုံမှန်ဖြစ်သော ‘အဝါရောင်’ သည် ခမ်းနားသော နေဝင်ချိန်အလှထက် သာလွန်သော၊ ခမ်းနားသော အလှကဲ့သို့ ရွှေရောင်အဆင်းရှိသည်။ ထိုကြောင့်ပင် ကမ္ဘာတစ်ဝှမ်းရှိ ဝယ်လိုအား မြင့်တက်လာခဲ့ရသည်။ 18K ( ၁၈ ကာရက် ) သည် 24K (၂၄ ကာရက် ) ရွှေထက် ပိုမိုအကြမ်းခံပြီး နေ့စဉ်သွားလာလှုပ်ရှားမှုတွင် ဖြစ်လေ့ဖြစ်ထရှိသော ခြစ်ရာများ၊ ထိခိုက်မှုကြောင့် ချိုင့်ဝင်မှုများမှာ 24K ( ၂၄ ကာရက် )၊ 23K ( ၂၃ ကာရက် )၊ 22K ( ၂၂ပဲရည် ၄ပြား ) တို့ထက် ပို၍ ခံနိုင်ရည်ရှိသည်၊ ကြံ့ခိုင်မှုရှိသည်။

သို့သော် 18K ( ၁၈ ကာရက် ) သည် ရွှေစင် ၇၅% နှင့် သတ္တုစပ် ၂၅% ပါဝင်ပေါင်းစပ်မှုကြောင့်ပင် ၁၆ပဲရည်၊ ၁၅ပဲရည် နှင့် ၂၂ပဲရည် ၄ပြား တို့ထက် ပိုမာကျောသောကြောင့် လက်ထည်ဖြင့် ပြုလုပ်ရသော အထည်ဒီဇိုင်းတို့ ပြုလုပ်ရာတွင် ခက်ခဲမှုများ၊ အဆင်မပြေမှုများ ရှိပေသည်။ ထို့ကြောင့်ပင် စက်ဖြင့်ခတ်သော အထည်ဒီဇိုင်းများ ပြုလုပ်ရာတွင် ၁၆ပဲရည်၊ ၁၅ပဲရည် နှင့် ၂၂ပဲရည် ၄ပြား တို့ထက် ပို၍ဆန်းသော၊ ခိုင်ခံသော ဒီဇိုင်းများကိုပြုလုပ်နိုင်သည့် အတွက်ကြောင့် စိန်ထည်၊ ကျောက်ထည်များအား 18K ( ၁၈ ကာရက် )ဖြင့် ပြုလုပ်ကြပေသည်။ နေ့စဉ်သွားလာလှုပ်ရှားမှုတွင် 18K ရွှေရည် ဖြင့် ပြုလုပ်ထားသော စိန်ထည်၊ ကျောက်ထည်များမှာ အခြားသောရွှေရည်များထက် ပို၍ခိုင်ခံ့၊ အကြမ်းခံကာ မူရင်းအလှအား ပျက်ယွင်းသွားခြင်းမှာ မရှိသလောက် ရှားပါးပေသည်။

နေ့စဉ်ဝတ်ဆင်မှုတွင် ရွှေလက်တွဲဖော် Customers များအမေးများသော အရောင်မှိန်ခြင်းပြဿနာတို့တွင် 18K ( ၁၈ ကာရက် ) မှာ ပြတ်သားစွာ အရောင်မှိန်ခြင်းမရှိကြောင်း၊ 18K ( ၁၈ ကာရက် ) မှာ အရည်အသွေးကောင်းလားဟု မေးလျှင် သံသယမရှိ ကောင်းသည် ဟုပင် ဖြေရပြန်မည်။ နေ့စဉ်နေထိုင်မှုဘဝတွင် ” ရွှေဝတ်၍ ရေချိုးနိုင်ခြင်း ” ကား အမေးများသောမေးခွန်းအနေဖြင့် ရှိနေပြန်သည်။ ၎င်း 18K သည် Karat ကာရက်ရောင်စဉ်၏ မြင့်မားသော အဆုံးတွင် ရှိနေသောကြောင့်၊ သိသာထင်ရှားသော သံချေးတက်နိုင်ခြေ နည်းပါးပေသည်။ထို့အပြင် လက်ဝတ်ရတနာအဖြစ် အထည်ပစ္စည်းများကို ဝတ်ဆင်သည့်အခါ ပျက်စီးနိုင်ခြေနည်းသောကြောင့် ယခုလူအများစုက ကြိုက်နှစ်သက်မှု တစ်ဟုန်ထိုး မြင့်တက်လာခြင်းပင်ဖြစ်သည်။ ထို့ကြောင့်ပင် စေ့စပ်ပွဲ သို့မဟုတ် မင်္ဂလာလက်စွပ်များတွင် 18K ( ၁၈ ကာရက် ) သည် လူကြိုက်များသော ရွေးချယ်မှုဖြစ်လာရသည်။ ဆိုလိုသည်မှာ ၎င်း 18K သည် အထူးလက်ဝတ်ရတနာများအတွက် စံနမူနာဖြစ်သည်။ ဒီဇိုင်းလှပမှုနှင့် လက်တွေ့ကျတဲ့ ရွှေလက်ဝတ်ရတနာတွေကို ဝယ်ယူချင်တယ်ဆိုရင်တော့ 18K ( ၁၈ ကာရက် ) ရွှေမှာ လိုက်လျောညီထွေဖြစ်စေမှာအသေအချာပင်ဖြစ်သည်။

“ရွှေသည် 18K ရွှေဖြစ်ရင် ဘယ်လိုသိနိုင်မလဲ။”စသည့်အတွက်လည်း ရွှေလက်ဝတ်ရတနာအပိုင်းအစတွင် ကာရက်နံပါတ် တံဆိပ်ရိုက်နှိပ်လေ့ရှိပါသည်။ ထို့ကြောင့် လက်ဝတ်ရတနာများသည် 18K ဖြစ်လျှင် ” 18K “ သို့မဟုတ် ” 18KT “ ဟု ရေးထားသော အမှတ်အသားများကို တွေ့ရပေမည်။ထို့အပြင် ‘750’ သည် 18k ရွှေကိုရည်ညွှန်းသည့် အခြားနည်းတစ်ခုဖြစ်သည်။ ရွှေရည်နှင့် သတ္တုပေါင်းစပ်ပုံ အချိုးတူပေမယ့် တိုင်းတာသည့် အတိုင်းအတာတို့မှာမူ မတူညီပေ။ 18K တွင် 18 ကို အညီအမျှ ကာရက် 24 ဖြင့် ပိုင်းခြားထားသောကြောင့် ရွှေ 75% သို့မဟုတ် 0.75 ဖြင့် ပေါင်းစပ်ထားသည်ဟုတွက်ယူပြီး ဤဂဏန်းကို တစ်ထောင်ဖြင့် မြှောက်ပါက တူညီသော ယူနစ် ၁၀၀၀ တိုင်းအတွက် ၎င်းတို့အနက်မှ ၇၅၀ သည် ရွှေစင်ဖြစ်ကြောင်း သိရသည်။

18K အကြောင်း တင်ဆက်ပြီးပြီဆိုတော့ ယခုအခါတော့ Customers များအတွက် 18K ၏ တန်ဖိုးမည်မျှ ရှိကြောင်း တင်ဆက်ပေးလိုက်ရပါစေခင်ဗျာ။
ရွှေအားလုံး၏ စျေးနှုန်းတန်ဖိုးသည် အမြဲအနည်းငယ်ကွဲပြားသည်။ အထည်ဒီဇိုင်း၊ ဖြန့်ဖြူးသူနှင့် ရောင်းချသည့်နေရာနှင့် ရွှေပေါက်စျေးနှုန်းအပေါ် မူတည်ပြီး 18K ၏ တန်ဖိုးမှာ အနည်းငယ် ကွဲပြား ကွာဟချက်လေးများရှိပေမည်။

အချုပ်ဆိုရရင်ဖြင့် 18K ( ၁၈ ကာရက် ) သည် နေ့စဉ်လှုပ်ရှားသွားလာရသည့် လူနေမှုဘဝ တွင် ဝတ်ဆင်ရခြင်းမှာ အလွန် အဆင်ပြေချောမွေ့မှုရှိသည့်အပြင် လူငယ်ဆိုလျှင်လည်း လူငယ်ကဲ့သို့ ဆန်းသစ်သော ဒီဇိုင်းများကို ဝတ်ဆင်နိုင်ခြင်း၊ လူကြီးဆိုလျှင်လည်း လူကြီးများအတွက် ငယ်ရွယ်လှပမှုကို တစ်ဖန်ပေးစွမ်းနိုင်သော ခမ်းနားထည်ဝါ မှုကိုပေးစွမ်းနိုင်သည့် ရွှေစင်ပင်ဖြစ်သည်။ ထိုကဲ့သို့သော ဤ 18K ( ၁၈ ကာရက် )အကြောင်း ဖတ်ရှုနေသူ၏ ဘဝကို ပျော်ရွှင်မှု တစ်စိတ်တစ်ပိုင်းအဖြစ် ခမ်းနားထည်ဝါမှု ပေးစွမ်းစေမည်ဆိုလျှင်  “ အကောင်းမွန်ဆုံးသောအရည်အသွေး၊ ဆန်းသစ်သော ဒီဇိုင်း၊ အသက်သာဆုံးသော ဈေးနှုန်း “တို့ဖြင့် ဝန်ဆောင်မှုပေးရန် အသင့်ရှိနေသော ” ဦးထုံရွှေပန်းထိမ်နဲ့ ရတနာရွှေဆိုင် ” ကို အရောက်လှမ်းဖို့ ဖိတ်ခေါ်ရင်းဖြင့် ကျွန်တော်တို့ရဲ့ 18K အကြောင်းလေးကို ခေတ္တခဏ အဆုံးသတ်လိုက်ရပါစေခင်ဗျာ…သာယာချမ်းမြေ့သော နေ့ရက်တစ်ခုကို ပိုင်ဆိုင်နိုင်ပါစေ…