ကျောက်မျက်ရတနာချစ်သူများအတွက် ရည်ရွယ်ပြီး ရွေးချယ်ထားသော အကြောင်းအရာလေးသည် ကျောက်မျက်ရတနာများအကြား လူကြိုက်များပြီး အရောင်အသွေးလှပသော အေးမြသည့်အရောင်ရှိသည့် မြကျောက် ဝတ်ဆင်ခြင်း၏ အကျိုးကျေးဇူးလေးများကို မျှဝေပေး လိုက်ပါသည်။
မြကျောက်သည် လူတိုင်းအတွက် ကံကောင်းစေသည့် ကျောက်မျက်ရတနာတစ်မျိုးဖြစ်ပြီး မကောင်းသည့် အန္တရာယ်များမှ ကာကွယ်ပေးနိုင်သည့် ကျောက်မျက်ရတနာတစ်မျိုး ဖြစ်သည်ဟု သုတေသနပညာရှင်များက သတ်မှတ်ခဲ့ကြပါသည်။ ထို့အပြင် မြကျောက် ဝတ်ဆင်ခြင်းသည် ကိုယ်ရည်ကိုယ်သွေးကို တိုးတက်စေပြီး လူတစ်ဦး၏ ဉာဏ်ရည်ဉာဏ်သွေးကို မြှင့်တင်ပေးနိုင်သော စွမ်းအင်ရှိသည့် ကျောက် မျက်ရတနာတစ်မျိုး ဖြစ်သောကြောင့် ပညာရေးနယ်ပယ်များတွင် စိတ်ဝင်စားသောသူများအတွက် အဆောင်ကျောက်တစ်မျိုးအနေနှင့် လွန်ခဲ့သော နှစ်ပေါင်းများစွာ ကတည်းက ယုံကြည်ခဲ့ကြသည့် ကျောက်မျက်ရတနာတစ်မျိုးဖြစ်ပါသည်။
ထို့အပြင် မြကျောက်ဝတ်ဆင်ခြင်းသည် ပေါင်းသင်းဆက်ဆံရေးကို ကောင်းမွန်စေပြီး စကားပြောကောင်းပြီး ထက်မြက်သော ကိုယ်ရည်ကိုယ်သွေးကို ပိုင်ဆိုင်စေမှာဖြစ်ပါသည်။ ကျန်းမာရေးအရ မြကျောက်ဝတ်ဆင်ခြင်းသည် အရေပြားရောဂါ၊ အာရုံကြောစနစ် ချို့ယွင်းမှုနှင့် ဦးနှောက်ဆိုင်ရာ ပြဿနာများအတွက် အကျိုးပြုစေပါသည်။
အထူးခြားဆုံးတစ်ခုအနေနှင့် မြကျောက်သည် စီးပွားရေးအရ အဆောင်ကျောက်ကောင်း တစ်ခုဖြစ်သောကြောင့် ဘဏ်လုပ်ငန်း၊ ငွေကြေးနှင့် ရှယ်ယာဈေးကွက် စသည်တို့တွင် လုပ်ကိုင်နေသူများအတွက် အထူးသင့်လျော်ပါသည်။ ထို့အပြင် မြကျောက်သည် Taurus, Gemini, Virgo, Libra, Capricorn နှင့် Aquarius ရာသီခွင်များအတွက် ကံကောင်းစေသည့် ကျောက်မျက်ရတနာတစ်မျိုးဟုလည်း ယူဆကြပါ သည်။
ယခုမျှဝေပေးခဲ့သော အကြောင်းအရာလေးသည် မြကျောက်ကို ရွေးချယ်ဝတ်ဆင်ချင်သူများအတွက် မြကျောက်ဝတ်ဆင်ခြင်း၏ အကျိုး ကျေးဇူးအကြောင်းအရာများဖြစ်ပြီး အားလုံးအတွက် ဗဟုသုတရရှိလိမ့်မည်ဟု မျှော်လင့်မိပါသည်။
