ပညာရေး, ရွှေအကြောင်းသိကောင်းစရာ, အထွေထွေသိမှတ်စရာ

ရွှေဝတ်ဆင်ရာတွင်ဖြစ်လေ့ရှိသောပြဿနာ

Mercury & Gold

ကိုယ်ဝတ်ထားသော ရွှေထည်လေးတွေ ရုတ်တရက် အဖြူကွက်လေးတွေ ဖြစ်သွားတာမျိုး တချို့ကြုံဖူးပါသလား?

တစ်ခါတရံ ရွှေနှင့်ပြဒါးထိတွေ့မှုမှာ ဖြစ်တတ်သောပြောင်းလဲမှုများကို ပြောပြပေးသွားမှာပါ။ အဲ့လိုချိန်လေးတွေဆိုရင်စိုးရိမ်ပြီး စိတ်ပူပန်မှုတွေဖြစ်သွားတတ်ပါသည်။ ကိုယ်ဝယ်တဲ့ဆိုင်ကပဲ ရွှေမကောင်းသလား? ကိုယ်ဝတ်ထားတဲ့ပစ္စည်းကရွှေမဟုတ်လို့လား ဆိုပြီး အတွေးတွေ ဝင်လာတတ်ပါသည်။ အဓိကအကြောင်းရင်းမှာရွှေသည် ပြဒါး (Mercury) နှင့်မတည့်သောကြောင့် ဖြစ်ပါသည်။

– ပြဒါး(Mercury) ကိုဆေးရုံ၊ ဆေးခန်းများတွင် အများဆုံးမြင်တွေ့ရပါသည်။
– အချို့ Baby Powder နှင့် Skin Care တွေမှာလည်း ပါဝင်တတ်ပါသည်။
– မီးသီးထဲတွင်လည်း ပြဒါးများ ပါရှိပါသည်။
ထို့ကြောင့်
– ရွှေနှင့်ပြဒါးထိမိသောအခါ အထည်၏မျက်နှာပြင်တွင် ငွေလိုဖြူသွားတတ်ပါသည်။
– ပြဒါးသည် အရည်ပုံဆောင်ထားသောအငွေ့ဖြစ်သောကြောင့် ရွှေသို့အလွယ်တကူ ထိကပ်နိုင်သည်။
ဥပမာ-သာမိုမီတာကျိုးသွားတဲ့အခါ ပြဒါးသည် ပတ်ဝန်းကျင်သို့အငွေ့ပြန်သွားနိုင်သည်။

⛔️ သတိထားရန်⛔️
– ပြဒါးသည်ကူးစက်လွယ်သောကြောင့် ပြဒါးထိမိသောရွှေထည်ကို အခြား လက်ဝတ်ရတနာများနှင့် ပေါင်းမသိမ်းရ။
– ပြဒါးသည် လူအတွက် အန္တရာယ်ရှိသောကြောင့် ပြဒါးထိမိသောရွှေထည်ကို ဆက်လက်မဝတ်သင့်ပါ။
– ပြဒါးထိသောရွှေထည်ကို ကြာရှည်စွာထားပါက ထိုရွှေထည်တစ်ခုလုံး အဖြူရောင်ပြောင်းပြီး ရွှေသည် ကြွပ်ဆတ်ကာ ပြဒါးစားသွားနိုင်သည်။
– ပြဒါးကြာရှည်ထိသောရွှေထည်သည် ရွှေအချိန်လျှော့နိုင်သည်။

✅လုပ်ဆောင်ရန်✅
အဲ့လိုမျိုးကြုံတွေ့ရတဲ့အခါ စိတ်သောကမဖြစ်ပါနဲ့။ ပြဒါးထိကြောင်းသိရှိပါက ဝယ်ယူသောဆိုင်သို့ ချက်ချင်းယူဆောင်ပြီး အထည်ကို လုံလောက်သည့်မီးအပူပေး၊ ငရဲမီးချခြင်းဖြင့် ဖယ်ရှားနိုင်ပါသည်။ ရွှေထည်ကို ဆိုင်မှ အရောင်တင်ပေးခြင်းဖြင့် မိမိရဲ့အထည်လေးသည် မူလအတိုင်းလှပစေမှာပါ။