စိန်ချစ်သူများနှင့် ကျောက်မျက်ရတနာချစ်သူများအတွက် ရည်ရွယ်ပြီး ကမ္ဘာပေါ်တွင် အရှားပါးဆုံး စိန်အမျိုးအစားများထဲမှ တစ်ခုဖြစ်သည့် ပန်းရောင်ကာလာရှိသည့် ပန်းရောင်စိန်များအကြောင်းကို အားလုံးအတွက်မျှဝေဖော်ပြပေးလိုက်ပါသည်။ စိန်များ၏ အရောင်အသွေးအစုံများ၊ ဖွဲ့စည်းတည်ဆောက်ပုံ မာကျောခြင်း၊ တောက်ပခြင်းများသည် မိန်းကလေးများ၏ စိတ်ကို ဖမ်းစားနိုင်ပါသည်။
စိန်များကို အရောင်မျိုးစုံဖြင့် တွေ့ရှိရပြီး ကမ္ဘာ့အရှားပါးဆုံးနှင့် တန်ဖိုးအရှိဆုံး ကျောက်မျက်များထဲတွင် ပါဝင်ပါသည်။ အရှားပါးဆုံးမှာ အနီရောင်စိန်ဖြစ်ပြီး ကမ္ဘာပေါ်တွင် (၁) မှ (၃၀) ခန့်သာရှိသည်။ အပြာရောင်စိန်သည် သြစတြေးလျ၊ အိန္ဒိယနှင့် တောင်အာဖရိကတွင်သာ တူးဖော်ရရှိသောကြောင့် ဒုတိယအရှားပါးဆုံးဖြစ်သည်။ထို့နောက် သြစတြေးလျအနောက်ပိုင်းရှိ Kimberly ဒေသရှိ ကမ္ဘာ့ထောက်ပံ့မှု၏ 90% သာရှိသော ပန်းရောင်စိန်တုံးကို တွေ့ရှိရပါသည်။
2022 ခုနှစ် ဇူလိုင်လတွင် Lulo Rose ဟုခေါ်သော နှစ်ပေါင်း 300 အတွင်း အကြီးမားဆုံး ပန်းရောင်စိန်ကို တွေ့ရှိခဲ့ပြီး အန်ဂိုလာနိုင်ငံတွင် 170 ကာရက်အလေးချိန်ရှိသော နုန်းမိုင်းတွင်း (မြစ်ကြောင်း သို့မဟုတ် မြစ်ကြမ်းပြင်) တွင် ရှာဖွေတွေ့ရှိခဲ့ပါသည်။
ပန်းရောင်စိန်၏ ရှားပါးမှုသည် အပြာရောင်စိန်များနှင့် ယှဉ်လုနီးပါးဖြစ်ပြီး အနှစ် ၂၀ ခန့်ဝန်းကျင်၌ ပန်းရောင်စိန်များသည် ဘူမိဗေဒပညာရှင်များ၏ စူးစမ်းလိုစိတ်တစ်ခုဖြစ်ခဲ့ပါသည် ။ ပန်းရောင်စိန်၏ အရောင်သည် အခြားစိန်များနှင့် ဖွဲစည်းထားပုံခြင်း ကွဲပြားခြားနားမှုရှိသောကြောင့် စိတ်ဝင်စားဖွယ်ကောင်းလှပါသည်။
ပန်းရောင်စိန်ကိုဘယ်ကရတာလဲ။
ရောင်စုံစိန်အများစုသည် ဒြပ်စင်များနှင့် အညစ်အကြေးများ သို့မဟုတ် ၎င်းတို့၏ ဓာတ်သတ္တုဖွဲ့စည်းပုံရှိ ချို့ယွင်းချက်များပေါ်မူတည်ပြီးမှ ၎င်းတို့၏ အရောင်ဆန်းများကို ရရှိကြပါသည်။ ပန်းရောင်စိန်များသည် ထိုသို့မဟုတ်ဘဲ အမှန်တကယ် ကျောက်မျက်ဗေဒပညာရှင်များမှလည်း ပန်းရောင်အရောင်ကို ဖြစ်စေသည့် အကြောင်းအရင်းကို အတိအကျ မသိကြပါ။ “ဓာတ်သတ္တုဖွဲ့စည်းမှုအတွင်းမှာ တိကျမှုမရှိတဲ့ သတ္တုတစ်မျိုးပါဝင်ဖွဲ့စည်းခဲ့ပုံရပြီး ၎င်းဓာတ်သတ္တုမှာ အလွန်မြင့်မားသောဖိအားကြောင့် ပုံပျက်ခြင်းနှင့် သတ္တုချော်ထွက်လာပြီး လူသိများသော ပုံမှန်အရောင်ရှိသည့် စိန်ကို အညိုရောင်ပြောင်းစေပြီး ထူးခြားဖြစ်စဉ်အနေနဲ့ သတ္တုချော်နှစ်မျိုးရောစပ်ခြင်းက စိန်ကို ပန်းရောင်ပြောင်းစေသည်” ဟု သီအိုရီတစ်ခုရှိပါသည်။ ဓာတ်သတ္တုပုံပျက်ခြင်း ချော်ထွက်ခြင်းသည် အလွန်ရှားပါးသော ဖြစ်စဉ်တစ်ခုဖြစ်ပြီး ၎င်းသည် နှစ်ကြိမ်ဖြစ်ပွားသည့်အခါ ပို၍ပင်ရှားပါးသည်။
ထိုကြောင့် ပန်းရောင်စိန်သည် ထူးခြားဆန်းကြယ်သည့်အရာဖြစ်သည့်အတွက် မြင့်မားသော စျေးနှုန်းပေးခြင်းခံရသော အရှားပါးဆုံးပန်းရောင်စိန်လည်း ဖြစ်နိုင်ပါသည်။ ထို့ပြင် နှစ် 40 နီးပါးကြာပြီးနောက် 2020 ခုနှစ်တွင် Argyle သတ္တုတွင်းကို ပိတ်လိုက်ခြင်းသည် ပန်းရောင်စိန်ထွက်ရှိမှုအတွက် ပိုမိုကန့်သတ်လာသဖြင့် ဤကျောက်မျက်ရတနာများသည် ပိုမိုတန်ဖိုးမြင့်လာရပါသည်။ မယုံနိုင်လောက်အောင်ပင်၊ သတ္တုတွင်း စုစုပေါင်းထုတ်လုပ်မှု၏ 1% မျှသာ အမှန်တကယ်ပင် ပန်းရောင်စိန်များဖြစ်သောကြောင့် ပန်းရောင်စိန်သည် အမှန်တကယ်ရှားပါးကြောင်း သိသာလာစေပါသည်။
တော်ဝင်ပန်းရောင်စိန်များ
Williamson ပန်းရောင်စိန် (၇) တုံးကို တန်ဂနီကာမြို့ ရှိ Williamson စိန်တွင်း၌ ၁၉၄၇ ခုနှစ်တွင် စတင်တွေ့ရှိခဲ့ပါသည်။
တန်ဇန်းနီးယားသမ္မတနိုင်ငံဟု လူသိများသော နိုင်ငံတွင် စိန်ကြမ်း (၅၄.၅ ကာရက်) ကို မင်းသမီး အဲလိဇဘက်နှင့် မင်းသားဖိလစ်တို့အား ၁၉၄၇ ခုနှစ် နိုဝင်ဘာလတွင် လက်ထပ်ပွဲအတွက် ပေးအပ်ခဲ့ပါသည်။ မိုင်းပိုင်ရှင်မှာ ဘူမိဗေဒပညာရှင် John Williamson ဖြစ်ပါသည်။ နောက်တစ်နှစ်အကြာမှာ လန်ဒန်အခြေစိုက် စိန်ဖြတ်တောက်သည့် ကုမ္ပဏီတစ်ခုဖြစ်သည့် Briefel နှင့် Lemer သည် ကျောက်ကြမ်းများကို ၂၃.၆ ကာရက် တောက်ပြောင်သော အဝိုင်းသားဖြင့် ပြောင်လက်တောက်ပသော ကျောက်မျက်အဖြစ်သို့ ပြောင်းလဲပေးခဲ့ပါသည်။
ထိုနောက် Cartier သည် ဧရာမစိန်ကြီးအတွက် သင့်လျော်သော အဆင်တန်ဆာတစ်ခုကို ဒီဇိုင်းဆွဲရန် တာဝန်ပေးအပ်ခဲ့သည်။1952 ခုနှစ်တွင် ပန်းရောင်စိန်သည် အဖြူရောင် စိန်ပွင့်များဖြင့် ဝန်းရံထားသော ပန်းပွင့်ပုံစံ ပလက်တီနမ်ရင်ထိုး၏ အလယ်ဖြစ်လာပြီး 1953 ခုနှစ်တွင် Princess Elizabeth II ဘုရင်မကြီးအား သရဖူဆောင်းလာသောအခါတွင် နောက်ဆုံးတွေ့ခဲ့ရပါသည်။ ခန့်မှန်းခြေအားဖြင့် အမေရိကန်ဒေါ်လာ ၃၄ သန်းခန့်ရှိပြီး Williamson ပန်းရောင်စိန်ရင်ထိုးသည် သူမ၏စုဆောင်းမှုတွင် အဖိုးတန်ဆုံးသော ရင်ထိုးများထဲမှ တစ်ခုဖြစ်သည်ဟု ယူဆရပါသည်။
မကြာသေးမီက ဘုရင်မကြီး အဲလိဇဘက် ၂ ကို ပေးခဲ့သော ကျောက်ကို အစွဲပြု၍ Williamson Pink Star စိန်တုံးကြီးသည် ဟောင်ကောင်တွင် လေလံတင်ရောင်းချမှု၌ အမေရိကန်ဒေါ်လာ ၄၉ ဒသမ ၉ သန်းရရှိခဲ့ပြီး ကမ္ဘာ့စံချိန်တင်ခဲ့ပါသည်။
