ရွှေထည်ဝယ်ယူသည့်အခါ ဧည့်သည်များ အများဆုံးမေးမြန်းသော မေးခွန်းများကို ဦးထုံကနေ Sharing လေး လုပ်ပေးလိုက်ပါတယ်ရှင်။
မေးခွန်း (၁) – ရွှေက ကြာကြာဝတ်ရင် အရောင်မှိန်သွားလား?
ဖြေ – ရွှေအရည်အသွေး ကောင်းသည့်အခါမှာ ကြေးနှင့်ဘော် ပါဝင်နှုန်းနည်းပြီး ရွှေအသန့် ပါဝင်နှုန်းများသည့်အတွက် ရွှေအရည်ကျပြီး အရောင်ပြောင်းခြင်း မရှိပါ။ သို့သော်ရွှေထည်ကို အစဉ်အမြဲ ကြာရှည်ဝတ်သည့်အခါမှာ ခန္ဓာကိုယ်မှာ ထွက်သော အဆီနှင့်ဂျီးများ ရွှေထည်ပေါ် တင်တတ်သည့်အတွက် အရောင်မှိန်သွားသည်ဟု ထင်ရသည် ။ ဒါကိုတော့ စိတ်မပူပါနဲ့နော် ဒို့ဦးထုံကနေ Service အပြည့်အဝ ပေးပါတယ်ရှင်။
မှတ်ချက်။ ရွှေနှင့်မတည့်သော Chemical (ပြဒါး) များနှင့် ထိတွေ့သောအခါမှာ ရွှေ၏မျက်နှာပြင်တွင် အဖြူအကွက် အနီအကွက်များ ပေါ်တတ်သည်။
မေးခွန်း (၂) – ရွှေက ကြာကြာဝတ်ရင် အလေးချိန် လျော့တတ်လား?
ဖြေ – ရွှေအရည်အသွေးကောင်းသည့်အခါမှာ ရွှေသည်ပျော့ပျောင်းပါသည်။ ရွှေမှုန်များ လွင့်စင်ခြင်းကို သာမန် မျက်လုံးနှင့်မမြင်နိုင်ပါ။ ရွှေအထည်များများကို နှစ်ရှည်လများ ပေါင်းဝတ်ခြင်းသည် ရွှေထည်တစ်ခုထဲ ဝတ်ခြင်းထက် လျော့နှုန်း ပိုများတတ်သည်။ ဥပမာ: ကြိုးနှင့်ဆွဲသီးတွဲဝတ်သည့်အခါ သို့မဟုတ် လက်ကောက်အရေတွက်များများ အမြဲဒုံးချ ပေါင်းဝတ်သည့်အခါ တစ်ခုနှင့်တစ်ခု ပွတ်တိုက်ပြီး ရွှေမှုန်များ ပို၍လွင့်ကျတတ်သည်။
မေးခွန်း (၃) – ရွှေဝယ်လျှင် ဘာလို့ အလျော့တွက်ပေးရတာလဲ?
ဖြေ – လက်ဝတ်ရတနာတစ်ခုကို ပြုလုပ်သည့်အခါမှာ ရွှေအတုံးကနေအချောထည်ဖြစ်အောင်အဆင့်ဆင့်ပြုလုပ်ရသည်။
– ရွှေကျိုရာတွင် ရွှေလျော့ခြင်း၊
– အထည်ပြုလုပ်ရာတွင် ရွှေမှုန်များ အလေအလွင့်ရှိခြင်းနှင့်
– ပန်းထိမ်ဆရာ၏ လက်မှုပညာကို လုပ်အားခပေးရခြင်း
တို့ကြောင့် ရွှေအထည်ဝယ်ယူလျှင် အလျော့တွက်ပေးရခြင်း ဖြစ်သည်။ ရွှေဧည့်သည်တော်များ ရွှေစုချင်လျှင် ဦးထုံဆိုင်မှ အလျော့တွက်မပါဘဲ နန်းကြိတ်ခသာ ပေးရသည့် နန်းကြိတ်လက်ကောက် နှင့်လက်စွပ်လေးတွေကို ဝယ်ယူစုဆောင်းနိုင်ပါတယ်ရှင့်။ ဦးထုံရဲ့ရွှေရည်ပြည့်ဝ လက်ရာသေသပ် ဆန်းသစ်လှပတဲ့ လက်ဝတ်ရတနာလေးတွေကို ယခုအချိန်အထိ ဝယ်ယူစုဆောင်းခဲ့ကြပါသော ဧည့်သည်တော်များအားလုံး သားစဉ်မြေးမြစ်အဆက်ဆက် လှပမှုကို လက်ဆင့်ကမ်းနိုင်ကြပါစေရှင့်။
